Korona: Rávvagat mánáide ja nuoraide geat rahčet psykalaččat

Muhttin mánát ja nuorat geat rahčat psykalaččat sáhttet oažžut ođđa jurdagiid, dovdduid ja vuorjašumiid go leat stuorra rievdadusat árgabeaivvis.

Koronavirus lea dagahan ahte mis lea fáhkkatlaš dilli Norggas. Dát dilli ii bistte agibeaivái. Bohtet fas dábálaš árgabeaivvit, lea dušše dat ahte eat dieđe man guhká dát dilli bistá.

Go eahpedábálaš áššit dáhpáhuvvat, nu mo koronavirus mii leavvá johtilit ja ollu olbmuide oktanaga, sáhttá orrut vel váddásat hálddašit dan mainna rahčá.

Muhttin mánát ja nuorat geat rahčat psykalaččat sáhttet oažžut ođđa jurdagiid, dovdduid ja vuorjašumiid go leat stuorra rievdadusat árgabeaivvis. Lea áibbas dábálaš. Lea buorre jurdda hállat dán birra muhttin rávisolbmuin geasa luohttát.

Geavat strategiijaid maid dieđát doibmet go dovddut váldet menddo ollu fokusa. Dat sáhttá ovdamearkka dihte leat nohkkat dihto áiggiide, borrat boradanáiggiide, dahkat doaimmaid maidda liikot, ja doalahit oktavuođa ustibiiguin ja fulkkiiguin sosiála mediain.

Doalat oktavuođa iežat oahpaheddjiin ja singuin geaiguin váccát seamma luohkás, dan bokte ahte leat mielde skuvlla digitála vuogádagas.

Dutnje guhte dábálaččat háleštat ovdamearkka dihte dearvvašvuođabuohccedivššáriin dahje psykologain, sáhtát geahččalit doalahit oktavuođa singuin telefovnna dahje sosiála mediaid bokte.

Jus dus ii leat geainna háleštat, váldde oktavuođa Kors på Halsen:in dahje Si det med ord:in.